ვებსაიტი არ უჭერს მხარს თქვენს ბრაუზერს. განაახლეთ ბრაუზერი ან ჩამოტვირთეთ სხვა
ენის არჩევა
რეგიონის არჩევა

Coolbe-ის გამოყენების პირობები

1. ზოგადი დებულებები

წინამდებარე „პირობები“ არის სახელშეკრულებო შეთანხმება თქვენსა და SIA „Joom“-ს შორის, რომლის მიხედვითაც:
  • „თქვენ“ ხართ ინდივიდუალური მომხმარებელი, რომელიც Coolbe-ის სერვისს პირადი მოხმარების პროდუქტების შესაკვეთად იყენებს (შემდგომში — „თქვენ“, „თქვენი“),
  • SIA „Joom“ არის იურიდიული პირი რეგისტრაციის ნომრით 40103993365 და რეგისტრირებული მისამართით 78-1, Gustava Zemgala St, LV-1039, Riga, Latvia („Coolbe“, „ჩვენ“, „ჩვენი“).
წინამდებარე ხელშეკრულების შესაბამისად რეგულირდება ჩამოთვლილის თქვენ მიერ გამოყენება და მასზე წვდომა:
  • საიტი coolbe.com და Coolbe-ის საკუთრებაში არსებული ან მის მიერ მართული ნებისმიერი სხვა საიტები ან მისი ნებისმიერი ნაწილი (ერთობლივად, „საიტი“),
  • საიტის კონტენტი („კონტენტი“) და
  • კონტენტთან დაკავშირებით მომხმარებელთა მომსახურება (თანხის დაბრუნების ჩათვლით).
თუ არ ეთანხმებით აღნიშნულ ან ნებისმიერ მომავალ პირობას, გთხოვთ, არ ისარგებლოთ საიტით (ან არ განაგრძოთ მისით სარგებლობა). Coolbe-ს ასევე უფლება აქვს, ერთპიროვნული შეხედულებისამებრ, უზრუნველყოს სხვა სერვისები ან ფუნქციები, რომლებიც რეგულირდება სხვადასხვა წესებითა და პირობებით.
ვებსაიტის შესახებ ნებისმიერი კითხვის ან შენიშვნის შემთხვევაში, დაუკავშირდით Coolbe-ის მხარდაჭერის გუნდს „მხარდაჭერის“ განყოფილების საშუალებით.

2. Coolbe-ის როლი თქვენს ტრანზაქციებთან დაკავშირებით

Coolbe უზრუნველყოფს პლატფორმას გამყიდველებისთვის, რომლებიც ექვემდებარებიან Coolbe-ის პოლიტიკას, რათა შემოგთავაზოთ და გაყიდოს გარკვეული საქონელი. Coolbe არ წარმოადგენს საიტზე შემოთავაზებული საქონლის გამყიდველს. საიტზე შეკვეთის განთავსებით შეძენის შესახებ ხელშეკრულებას უშუალოდ გამყიდველთან აფორმებთ და არა — Coolbe-სთან. თქვენ მიერ შეძენილ ნებისმიერ პროდუქტთან დაკავშირებული თქვენი ნებისმიერი უფლება ვრცელდება მხოლოდ იმ გამყიდველებზე, რომლებისგანაც პროდუქტს შეიძენთ, და არა — Coolbe-ზე.
გთხოვთ, გაითვალისწინოთ, რომ Coolbe-ს არ აქვს კონტროლი პროდუქციის ნებისმიერი ასპექტის ხარისხზე, უსაფრთხოებაზე, ეთიკურობასა ან კანონიერებაზე, პროდუქციის ნამდვილობაზე ან სიზუსტეზე და გამყიდველების მიერ პროდუქციის გაყიდვის უნარზე — ასეთ ასპექტებზე, საბოლოო ჯამში, პასუხისმგებელია გამყიდველი.
პროდუქტის გვერდზე შეგიძლიათ იპოვოთ იმ გამყიდველის საკონტაქტო ინფორმაცია, ვისგანაც შეიძინეთ პროდუქტი ან პროდუქტის შეძენა გსურთ. გამყიდველი პროდუქტის გვერდზე მითითებული საკონტაქტო ინფორმაციის სისწორესა და სიზუსტეზე ერთპიროვნულად არის პასუხისმგებელი. იმ შემთხვევაში, თუ გამყიდველთან დაკავშირება ასეთი საკონტაქტო ინფორმაციის საშუალებით შეუძლებელია, გთხოვთ, ამის შესახებ Coolbe-ის საიტზე „მხარდაჭერის“ საშუალებით შეგვატყობინოთ.
Coolbe მოქმედებს გამყიდველების კომერციულ აგენტად ამ ორს შორის დადებული ხელშეკრულებით დადგენილ ფარგლებში, ეს მოიცავს საიტის საშუალებით გამყიდველების სახელით მოლაპარაკებასა და ტრანზაქციების გაფორმების უფლებამოსილებასა და უფლებებს, საიტზე შემოთავაზებული პროდუქტების საბოლოო ფასის დადგენას და (Coolbe-ის ერთპიროვნული შეხედულებისამებრ) გამყიდველებისთვის დახმარების გაწევას, მყიდველისთვის თანხის დაბრუნებისა და გარანტიის მოთხოვნების მიღებასა და დამუშავებას. Coolbe თქვენს კომერციულ აგენტად არ მოქმედებს.
Coolbe არ უზრუნველყოფს გადახდის მომსახურებას — ის უბრალოდ მოქმედებს გამყიდველების აგენტად; მისი როლია, მიიღოს გადახდები გამყიდველების სასარგებლოდ და გამყიდველებს გადაუხადოს დავალიანება, რომელიც თქვენსა და გამყიდველებს შორის საიტზე განხორციელებულ ტრანზაქციებს უკავშირდება. Coolbe-ს უფლება აქვს, განსაზღვროს გადახდის სერვისების პროვაიდერები („PSP“), რომლებიც განახორციელებენ გამყიდველებსა და თქვენს შორის ტრანზაქციებთან დაკავშირებული თანხის გადახდის, მიღების, შეძენის, დამუშავებისა და მომსახურებისთვის საჭირო ნებისმიერ ქმედებას. Coolbe-ს უფლება აქვს, დანიშნოს გადახდის სერვისის იმდენი პროვაიდერი (PSP), რამდენიც სურს.
თქვენ შესაძლოა, გქონდეთ უფლება, გადახდილი თანხის დაბრუნება მოითხოვოთ. გადახდილი თანხის დაბრუნება, როგორც წესი, ნიშნავს თქვენ მიერ განხორციელებული გადახდის მთლიანად ან ნაწილობრივ უკან დაბრუნებას ბარათის გამცემის მიერ თქვენი მოთხოვნის საფუძველზე, ან შემძენის/სხვა გადახდის სერვისის პროვაიდერის მოთხოვნის საფუძველზე, შესაბამისი გადახდის სქემის წესების მიხედვით.
Coolbe ფინანსურად პასუხისმგებელია გამყიდველებისთვის გადახდილი თანხის დაბრუნებაზე და ამ მიზეზით აგვარებს მომხმარებლებსა (ბარათის მფლობელებს) და გამყიდველებს შორის თანხის დაბრუნებასთან დაკავშირებულ დავებს. აქედან გამომდინარე, მომხმარებლებთან და თაღლითობის რისკებთან დაკავშირებული გადახდილი თანხის უკან დაბრუნების შემთხვევების გამოძიება ევალება Coolbe-სა და გადახდის სერვისის პროვაიდერებს, მათი სახელშეკრულებო ორმხრივი ვალდებულებების შესაბამისად.
გამყიდველის წინაშე გადახდის თქვენი ვალდებულება შესრულებულად ჩაითვლება Coolbe-ის მიერ (ან მისი გადახდის სერვისის პროვაიდერის მიერ, შესაბამისად,) გადახდის მიღების მომენტიდან. Coolbe (მისი გადახდის სერვისი პროვაიდერის საშუალებით, შესაბამისად,) პასუხისმგებელია გამყიდველებისთვის თანხების გადარიცხვაზე, როგორც ეს გათვალისწინებულია Coolbe-ის, გამყიდველსა და გადახდის სერვისის პროვაიდერს (PSP) შორის გაფორმებულ ხელშეკრულებებში. იმ შემთხვევაში, თუ Coolbe (მისი გადახდის სერვისი პროვაიდერით (PSP)) გამყიდველს ასეთ თანხებს არ გადაურიცხავს, სამართლებრივ ქმედებას გამყიდველი მხოლოდ Coolbe-ის (ან მისი გადახდის სერვისის პროვაიდერის (PSP), შესაბამისად) წინააღმდეგ წამოიწყებს და არა — უშუალოდ თქვენ წინააღმდეგ.

3. შეწყვეტა

Coolbe-ს უფლება აქვს, შეწყვიტოს საიტის თქვენ მიერ გამოყენება და/ან თქვენი რეგისტრაციის პრივილეგიები ნებისმიერი მიზეზით, თქვენთვის წინასწარი შეტყობინების გარეშე.
თქვენ ასევე უფლება გაქვთ, საიტზე რეგისტრაციის გაუქმებით გაწყვიტოთ წინამდებარე პირობები.

4. კონფიდენციალურობა

თქვენ შესახებ მონაცემების (ხშირად ცნობილია, როგორც პერსონალური მონაცემები) შეგროვებასთან, გამოყენებასთან, გამჟღავნებასთანა და დაცვასთან დაკავშირებით ჩვენი პრაქტიკის შესახებ ინფორმაციის მისაღებად, გთხოვთ, იხილოთ ჩვენი კონფიდენციალურობის პოლიტიკა მისამართზე: https://www.coolbe.com/privacy.

5. აუცილებელი პირობები თქვენ მიერ გამოქვეყნებული და ნაჩვენები ინფორმაციის შესახებ

თქვენ, როგორც მომხმარებელი ეთანხმებით, რომ თქვენ მიერ გამოქვეყნებული ან ნაჩვენები ნებისმიერი ინფორმაცია:
  1. არის ჭეშმარიტი, ზუსტი, სრული და კანონიერი,
  1. არ არის ცრუ, შეცდომაში შემყვანი ან მოჩვენებითი,
  1. არ შეიცავს ცილისმწამებლურ, სახელის გამტეხ, მუქარის გამომხატველ ან შეურაცხმყოფელ, უცენზურო, არასასიამოვნო, სექსუალურად გამოხატულ ან არასრულწლოვანთათვის დამაზიანებელ ინფორმაციას,
  1. არ შეიცავს დისკრიმინაციულ ინფორმაციას ან ისეთ ინფორმაციას, რომელიც ხელს უწყობს დისკრიმინაციას რასის, სქესის, რელიგიის, ეროვნების, უნარშეზღუდულობის, სექსუალური ორიენტაციის ან ასაკის გამო,
  1. არ ეწინააღმდეგება წინამდებარე წესებსა და კონფიდენციალურობის პოლიტიკას.

6. თქვენი ვალდებულებები

როგორც საიტის მომხმარებელი, თქვენ თანახმა ხართ, რომ:
  1. ამ საიტს წინამდებარე პირობებისა და მოქმედი კანონმდებლობის შესაბამისად გამოიყენებთ. ეს ნიშნავს, რომ საიტზე თქვენ მიერ განხორციელებული ქმედებები არ უნდა ეწინააღმდეგებოდეს მოქმედ კანონმდებლობასა და რეგულაციებს.
  1. თუ თქვენ ბიზნესსუბიექტად მოქმედებთ და არა — მომხმარებლად, ამის შესახებ Coolbe-ს შეკვეთის დასრულებამდე აცნობებთ. ნაგულისხმევად მიგვაჩნია, რომ თქვენ ხართ ფიზიკური პირი და მომხმარებელი, რა მიზნითაც ფუნქციონირებს და მუშაობს საიტი.
  1. მიწოდების მიზნით, მიუთითებთ სწორ და მოქმედ მისამართს. ასეთ ინფორმაციას ვეყრდნობით, მაგალითად, იმის უზრუნველსაყოფად, რომ სწორად გამოვთვალოთ და დავაკისროთ გადასახადები. მისამართი, რომელსაც მიწოდების მისამართად მიუთითებთ, უნდა იყოს ადგილი, სადაც პროდუქტს მიიღებთ და სადაც პროდუქტის გაგზავნა სრულდება. საიტზე შეკვეთის განთავსებით ადასტურებთ, რომ თქვენ მიერ მითითებული მისამართი სრული, მოქმედი და სწორია.
  1. არ მოატყუებთ რომელიმე პირს ან ორგანიზაციას საიტის გამოყენებით (მაგალითად, მოპარული საბანკო ბარათებით),
  1. არასწორად არ წარმოადგენთ საკუთარ თავს ან თქვენს წევრობას რომელიმე პირთან ან ორგანიზაციასთან (მაგალითად, საიტზე სხვა პირის სახელით ან სხვისი ავტორიზაციის მონაცემებით დარეგისტრირებით).
  1. რომ არ განახორციელებთ არანაირ ქმედებას, რომელიც დაკავშირებულია სპამთან ან ფიშინგთან.
  1. კონტენტს ან საიტს და/ან სხვადასხვა საკუთრების კომპონენტებს, დირექტორიებს, მონაცემთა ბაზებსა და მათ ჩამონათვალს არ გაუკეთებთ კოპირებას, ექსპლუატაციას, არ მოახდენთ აღნიშნულის ასლში ასახვას ან ექსპროპრიაციას.
  1. არ ჩაერთვებით რაიმე კომპიუტერული ვირუსების, სხვა დესტრუქციული მოწყობილობების, მეთოდებისა და ტექნოლოგიების, მათ შორის კოდებისა და ბოტნეტების გამოყენებაში, რომლებსაც პროგრამული ან აპარატურული უზრუნველყოფის სისტემაზე, მონაცემებზე ან პერსონალური ინფორმაციაზე დამაზიანებელი, დამაბრკოლებელი, შემაფერხებელი ან ექსპროპრიაციის მომხდენი რაიმე სახის გავლენა აქვს.
  1. არ ჩაერთვებით რაიმე სქემაში, რომელიც მიზნად ისახავს Coolbe-ის და/ან საიტის მიერ გამოყენებული მონაცემების, სისტემების ან ქსელების მთლიანობის შელახვას ან ასეთ მონაცემებზე, სისტემებზე ან ქსელებზე არაავტორიზებული წვდომის მოპოვებას.
  1. არ სცდით ჩვენი API-ის კოპირებას, ასლში რამენაირად ასახვას, ექსპლუატაციას ან ექსპროპრიაციას ან მათზე წვდომის მიღებას, ან მათ გამოყენებას, გარდა იმ შემთხვევისა, როცა ეს კონკრეტული მიზნისთვის Coolbe-ის მიერ არ არის ნებადართული.

7. ასაკის დადასტურება

საიტზე დარეგისტრირების უფლება გაქვთ, თუ ხართ 18 წლის ან მეტის, ან 16 წლის და დარეგისტრირდებით თქვენი მშობლების ან კანონიერი მეურვის/მზრუნველის ნებართვითა და თანხმობით. 16 წლამდე ასაკის ბავშვებს უფლება არ აქვთ, გახდნენ Coolbe-ის მომხმარებლები და მშობლებს ან კანონიერ მეურვეებს არ აქვთ უფლება, მათი სახელით დაეთანხმონ წინამდებარე პირობებს.
თუ ისეთი შტატის, პროვინციის ან ქვეყნის მცხოვრები ხართ, რომელიც საიტის ან მისი რომელიმე ნაწილის გამოყენებაზე დამატებით ან განსხვავებულ ასაკობრივ მოთხოვნებს აწესებს, მომხმარებლად დარეგისტრირებით აცხადებთ, რომ თქვენი მომხმარებლად რეგისტრაცია, თქვენი პერსონალური საიდენტიფიკაციო ინფორმაციის ჩვენთვის მიწოდება და ასეთი პერსონალურად იდენტიფიცირებადი ინფორმაციის ჩვენი კონფიდენციალურობის პოლიტიკის შესაბამისად გამოყენება, არ ეწინააღმდეგება ასეთი შტატის, პროვინციის ან ქვეყნის მოქმედ კანონებსა და რეგულაციებს. პერსონალურად იდენტიფიცირებადი ინფორმაციის სიის სანახავად, გთხოვთ, გაეცნოთ კონფიდენციალურობის პოლიტიკას.

8. კომუნიკაცია

იმ შემთხვევაში, თუ მოქმედი კანონმდებლობით თქვენი თანხმობაა საჭირო, ამ პირობების მიღებით თანახმა ხართ, დაგიკავშირდეთ ელფოსტით (თუ მას გაგვიზიარებთ), მობილური ტელეფონით (თუ მას გაგვიზიარებთ) და საიტის სხვა საშუალებებით, მათ შორის push-შეტყობინებებით.
შეტყობინებებს საიტის გამოყენებასთან, უსაფრთხოებასთან ან საიტთან დაკავშირებულ სხვა საკითხებთან და სარეკლამო შეტყობინებებთან დაკავშირებით გამოგიგზავნით. თქვენი კომუნიკაციის პარამეტრების შეცვლა ნებისმიერ დროს შეგიძლიათ. ამისათვის, შეცვალეთ თქვენი პერსონალური პარამეტრები ან გამოგვიგზავნეთ შეცვლის მოთხოვნა privacy@coolbe.com-ზე. გთხოვთ, გაითვალისწინოთ, რომ თქვენ არ შეგიძლიათ, უარი თქვათ ჩვენგან მომსახურების შესახებ შეტყობინებების მიღებაზე, მათ შორის უსაფრთხოებისა და იურიდიული შეტყობინებების მიღებაზე, რადგან ასეთი შეტყობინებები მარკეტინგული ხასიათის არ არის.
Coolbe უფლებამოსილია, მაგრამ არ არის ვალდებული, მთლიანად ან ნაწილობრივ მართოს, უარყოს, შეცვალოს ან წაშალოს ნებისმიერი პოსტი, წარდგენილი მასალა ან კონტენტი, იმ შემთხვევაში, თუ ის წინამდებარე პირობებს ეწინააღმდეგება.
საიტის გამოყენებით ან Coolbe-სთან ან საიტის სხვა მომხმარებლებთან საიტზე წვდომის მიღების გზით კომუნიკაციის დამყარებით თქვენ ეთანხმებით Coolbe-ისგან შეტყობინებების მიღებას, მათ შორის ელფოსტით, ტექსტური ან სოციალური ქსელების შეტყობინებებით და სხვა ონლაინ-, მობილური ან ტრადიციული მეთოდებით, რომლებიც ამჟამად არსებობს ან შეიძლება მომავალში არსებობდეს. ასევე, ეთანხმებით, რომ ბოროტად არ გამოიყენებთ საიტზე წვდომის მიღების შედეგად თქვენთვის ხელმისაწვდომ საკომუნიკაციო საშუალებებს, მათ შორის სპამის, კიბერთაღლითური, არასასურველი კომერციული ან სხვა შეტყობინებების და სხვაგვარად ამ პირობების საწინააღმდეგო კონტენტის გასაგზავნად.

9. საკუთრების უფლება

საიტი და მისი ყველა კომპონენტი და ფუნქცია, კონტენტი და ინტელექტუალური საკუთრების ყველა უფლება, რომელსაც მოიცავს ის ან დაკავშირებულია მასთან, მათ შორის პატენტები, საავტორო უფლებები, სავაჭრო ნიშნები, მომსახურების ნიშნები, ლოგოები, ტექნიკური ინფორმაცია, ან Coolbe-ის საკუთრებაა, ან მესამე მხარეების საკუთრებაა და ჩვენ მათზე მოპოვებული გვაქვს ლიცენზია. ჩვენ და ჩვენი ლიცენზიის გამცემები სრულად ვფლობთ და ვინარჩუნებთ უფლებებს ზემოთ ნახსენებ ყველა უფლებაზე, ტიტულსა და ინტერესზე. გარდა ამისა, თქვენ უფლება არ გაქვთ, წაშალოთ ან შეცვალოთ საიტზე ან კონტენტში მოცემული საავტორო უფლებების, სავაჭრო ნიშნის ან სხვა ინტელექტუალური საკუთრების, ან საკუთრების უფლებების შესახებ შეტყობინება ან წარწერა.
თქვენ უფლება არ გაქვთ, საიტზე საიტის გარდა სხვა საშუალებებით (ე.ი. Coolbe-ის მიერ საიტის საშუალებით უზრუნველყოფილი ინტერფეისით) შეხვიდეთ.
გთხოვთ, არ გამოიყენოთ Coolbe-ის ინტელექტუალური საკუთრების ან კონტენტის არცერთი ნაწილი: საიტის ან მისი რომელიმე ნაწილის გამოყენება არ გაძლევთ რაიმე სახის უფლებას, ლიცენზიას ან ნებართვას, რომ ასლში რამენაირად ასახოთ ან გამოიყენოთ Coolbe-ის ასეთი ინტელექტუალური საკუთრება და/ან კონტენტი.

10. თქვენი გამოხმაურებისა და კონტენტის წარდგენის შედეგები

Coolbe მიესალმება კონკრეტული მიზნებით მითითებული ელფოსტის მისამართებით გამოგზავნილ თქვენს გამოხმაურებას. თუმცა, თუ საიტის ან მისი რომელიმე ნაწილის საშუალებით გამოგვიგზავნით, გამოაქვეყნებთ ან საიტზე ჩაამაგრებთ
  • ნებისმიერ გამოხმაურებას, შეტყობინებას ან კომენტარს,
  • თქვენს შემოქმედებით ან ორიგინალურ კონცეფციებს ან იდეებს,
  • ნებისმიერ კონტენტს, მონაცემს, ტექსტს, ფოტოსურათს, გრაფიკას ან სხვა მასალას, ან
  • ნებისმიერ კონფიდენციალურ, საკუთრების უფლების შესახებ ან სხვა ინფორმაციას („წარდგენილი მასალა“),
Coolbe-ს უცხადებთ და აძლევთ გარანტიას , რომ თქვენ ხართ წარდგენილი მასალის მფლობელი ან გაქვთ უფლება, მიანიჭოთ Coolbe-ის ქვემოთ მითითებული ლიცენზია.
თქვენ ეთანხმებით, რომ წარდგენილი მასალის მთლიანად ან ნაწილობრივ გამოყენებისთვის Coolbe არ გადაგიხდით კომპენსაციას ასეთი ლიცენზიის ან წარდგენილი მასალის სანაცვლოდ, საიტით სარგებლობის შესაძლებლობის გარდა, და რომ Coolbe-სთვის მასალის წარდგენის შემდეგ ნებისმიერი ასეთი წარდგენა არ ჩაითვლება კონფიდენციალურად ან არასაჯაროდ და რომ მხოლოდ Coolbe-ის აქვს უფლება, გამოაქვეყნოს ან გამოიყენოს წარდგენილი მასალა მთლიანად ან ნაწილობრივ. თუ წარდგენილი მასალა მთლიანად ან ნაწილობრივ გამოქვეყნებულია ან გამოყენებულია საიტზე, თანახმა ხართ, რომ წარდგენილი მასალა და მისი კონტენტი საჯაროდ ხელმისაწვდომი გახდეს და შეიძლება გამოყენებულ იქნას სხვების მიერ.
Coolbe-ისთვის საიტის ან სხვა საშუალებით მასალის წარდგენით თქვენ:
  • ეთანხმებით, რომ არ წარადგენთ ისეთ მასალას, რომელიც რაიმე ფორმით ეწინააღმდეგება წინამდებარე პირობებს ან შეიცავს ქვემოთ განსაზღვრულ შეუფერებელ კონტენტს;
  • ავტომატურად ანიჭებთ Coolbe-ს მსოფლიო მასშტაბის, ულიმიტო, შეუქცევად, გადაცემად, მინიჭებად, ქველიცენზირებად უფლებამოსილებას, რომ წარდგენილი მასალა გამოიყენოს და ისარგებლოს ყველა საავტორო უფლებით, საჯაროობითა და სხვა უფლებებით, რომლებიც ასეთ მასალასთან არის დაკავშირებული საავტორო უფლებების მოქმედების ვადაში, მათ შორის კანონით გათვალისწინებული ნებისმიერი გაგრძელების შემთხვევაში, ნებისმიერი მიზეზით; და
  • იღებთ პასუხისმგებლობას საიტზე წარდგენილი მასალის ასეთ გამოყენებაზე და ვალდებულებას იღებთ, აუნაზღაუროთ ნებისმიერი ზიანი Coolbe-ს და გაათავისუფლოთ Coolbe პასუხისმგებლობისგან მესამე მხარის პრეტენზიების შემთხვევაში, რომლებიც შეიძლება ასეთი გამოყენების შედეგად წარმოიშვას.
ასევე საიტის თითოეულ მომხმარებელს ანიჭებთ მსოფლიო მასშტაბის, არაექსკლუზიურ უფლებამოსილებას, წვდომა მიიღოს თქვენს წარდგენილ მასალაზე საიტის საშუალებით, და გამოიყენოს, ასლში ასახოს, შეაგროვოს, გაავრცელოს, გააზიაროს, აჩვენოს და შეასრულოს ასეთი წარდგენილი მასალა საიტის საშუალებით და წინამდებარე პირობებით დაშვებული წესით, საავტორო უფლებების მოქმედების ვადაში, მათ შორის კანონით გათვალისწინებული ნებისმიერი გაგრძელების შემთხვევაში, ნებისმიერი მიზეზით.

11. შეუფერებელი კონტენტი

საიტზე შეუფერებელი კონტენტის განთავსება დაუშვებელია. შეუფერებელი კონტენტი გულისხმობს მასალას, რომელიც უკავშირდება, მაგალითად, ცეცხლსასროლ იარაღს, ალკოჰოლს, უკანონო ნარკოტიკებსა და ნარკოტიკების მოხმარების ნივთებს, თამბაქოს და თამბაქოს ნაწარმს; ასევე მოიცავს, ზრდასრულთათვის განკუთვნილ ან პორნოგრაფიულ მასალას, შეურაცხმყოფელ მასალას და უხამს მასალას, მათ შორის ჩამოთვლილ ობიექტებზე ნებისმიერი სახის მითითებას ან მათ ხსენებას. ასევე, უფლება გვაქვს, თქვენი ვინაობა ნებისმიერ იმ მესამე მხარეს გავუმჟღავნოთ, რომელიც ამტკიცებს, რომ თქვენ მიერ ჩვენს საიტზე გამოქვეყნებული ან ატვირთული ნებისმიერი კონტენტი წარმოადგენს მათი ინტელექტუალური საკუთრების უფლებების ან კონფიდენციალურობის უფლების დარღვევას. Coolbe-ის ნებისმიერი თანამშრომლის, თანამდებობის პირის, პარტნიორის ან მომხმარებლის მიმართ ნებისმიერი სახის სიტყვიერმა ან წერილობითმა შეურაცხყოფამ (მათ შორის, შეურაცხყოფის ან ანგარიშსწორების მუქარამ) შეიძლება გამოიწვიოს თქვენი ანგარიშების დაუყოვნებლივი შეჩერება.
საიტი შეიძლება შეიცავდეს ინფორმაციასა და მასალებს, რომლებიც ატვირთულია საიტის სხვა მომხმარებლების მიერ, მათ შორის საინფორმაციო დაფებსა და ჩატის ოთახებში. აღნიშნული ინფორმაცია და მასალები ჩვენ მიერ გადამოწმებული ან დამტკიცებული არ არის. საიტზე სხვა მომხმარებლების მიერ გამოთქმული შეხედულებები ჩვენს შეხედულებებს ან ღირებულებებს არ ასახავს.

12. დაკავშირება და მესამე მხარის კონტენტი

საიტი შეიძლება შეიცავდეს მესამე მხარის ვებსაიტების ბმულებს, რომლებსაც ჩვენ არ ვმართავთ და არ ვამუშავებთ. Coolbe-ს ან მომხმარებლებს უფლება აქვთ, ასეთი ბმულები მხოლოდ მოხერხებულობისთვის მიუთითონ. Coolbe არ მართავს ბმულით დაკავშირებული ვებსაიტის არანაირ კონტენტს ან ბმულზე განთავსებულ არცერთ ბმულს და პასუხისმგებელი არ არის აღნიშნულზე. საიტი შეიძლება შეიცავდეს სიახლეებს, რეკლამებს, კონტენტს, სურათებს და ინფორმაციას, რომლებიც გამოქვეყნებულია სხვადასხვა მესამე მხარის პროვაიდერების მიერ. ნებისმიერი ასეთი მესამე მხარის კონტენტის გამოყენება შეიძლება მესამე მხარის პირობებით რეგულირდებოდეს. თქვენ ხართ პასუხისმგებელი საკუთარი თავის, თქვენი მოწყობილობისა და სისტემების დაცვაზე კომპიუტერული ჭიებისგან, ვირუსებისგან, „ტროას ცხენებისგან“ და ნებისმიერი სხვა მავნე კონტენტისგან.
შეგიძლიათ ბმული ჩვენს მთავარ გვერდთან დააკავშიროთ, იმ პირობით, თუ ამას სამართლიანი და კანონიერი გზით გააკეთებთ და არ დააზიანებთ ჩვენს რეპუტაციას და არ ისარგებლებთ ამით. თქვენ არ უნდა განათავსოთ ბმული ისე, რომ მიანიშნებდეთ ჩვენთან რაიმე სახის ასოციაციაზე, ჩვენი მხრიდან მოწონებაზე ან მხარდაჭერაზე, როდესაც ასეთი არ არსებობს, და არ უნდა განათავსოთ ჩვენი საიტის ბმული ისეთ ვებსაიტზე, რომელიც თქვენ არ გეკუთვნით. ვებსაიტი, რომელთანაც აკავშირებთ, ყოველთვის უნდა შეესაბამებოდეს ჩვენს სტანდარტებს კონტენტის შესახებ.
ჩვენი საიტი არ უნდა იყოს ჩარჩოში ჩასმული რომელიმე სხვა ვებსაიტზე და უფლება გაქვთ, შექმნათ მხოლოდ მთავარი გვერდის ბმული და არა — ჩვენი საიტის რომელიმე ნაწილის ბმული. წინააღმდეგ შემთხვევაში, უფლებას ვიტოვებთ, ნებისმიერ დროს გავაუქმოთ დაკავშირების ნებართვა ყოველგვარი წინასწარი შეტყობინების გარეშე.

13. საავტორო უფლებების დარღვევა

თუ ფიქრობთ, რომ თქვენი საავტორო უფლებებით დაცული ნამუშევარი კოპირებულია ისე, რომ წარმოადგენს საავტორო უფლებების დარღვევას, და ხელმისაწვდომია Coolbe-ზე, გთხოვთ, აცნობოთ Coolbe-ის საავტორო უფლებების აგენტს მისამართზე ipr@coolbe.com. თქვენი შეტყობინების წარდგენისას, გთხოვთ, მიუთითოთ შემდეგი ინფორმაცია:
  • საავტორო უფლებების მფლობელის სახელით მოქმედი უფლებამოსილი პირის ელექტრონული ან ფიზიკური ხელმოწერა,
  • საავტორო უფლებებით დაცული იმ ნაშრომის საიდენტიფიკაციო ინფორმაცია, რომლის უფლებებიც დაირღვა,
  • იმ მასალის საიდენტიფიკაციო ინფორმაცია, რომელიც, სავარაუდოდ, უფლებების დარღვევას წარმოადგენს, და Coolbe-ზე მისი მდებარეობა,
  • გონივრულად საკმარისი ინფორმაცია, რათა Coolbe-მ თქვენთან დაკავშირება შეძლოს, მაგალითად, თქვენი მისამართი, ტელეფონის ნომერი და ელფოსტის მისამართი,
  • განცხადება, რომ კეთილსინდისიერად მიგაჩნიათ, რომ მასალის გამოყენება საჩივრის შესაბამისად ავტორიზებული არ არის საავტორო უფლებების მფლობელის, მისი აგენტის ან კანონის მიერ, და
  • განცხადება, რომელიც გაკეთდა ფიცით, რომ ზემოაღნიშნული ინფორმაცია ზუსტია და რომ თქვენ ხართ საავტორო უფლებების მფლობელი ან უფლებამოსილი ხართ, იმოქმედოთ მფლობელის სახელით.

14. გაყიდვები, საბაჟო გადასახადები და გადასახადები (დღგ-ის ჩათვლით)

სამომხმარებლო კანონმდებლობის აღსრულების მიზნით, მტკიცედ მოვუწოდებთ ჩვენს გამყიდველებსა და მომხმარებლებს, კეთილსინდისიერად შეასრულონ ვალდებულებები საბაჟო და დამატებითი ღირებულების გადასახადებთან დაკავშირებით.
საიტზე შეძენისას შეიძლება საჭირო გახდეს გაყიდვების, საბაჟო ან დამატებული ღირებულების გადასახადების გადახდა, რომლებიც გავრცელდება თქვენს შეკვეთებზე და ვალდებული ხართ, დაფაროთ ისინი. საიტის საშუალებით შეკვეთისას თქვენ მოქმედებთ, როგორც საქონლის იმპორტიორი და სრულად უნდა დაექვემდებაროთ იმ ქვეყნის ყველა კანონს და რეგულაციას, რომლიდანაც პროდუქტებს უკვეთთ.
საიტზე ნაჩვენები ფასები მოიცავს მოქმედ დღგ-ს და სხვა გადასახადებს (თუ ეს ვრცელდება პროდუქტსა და ასეთი პროდუქტის შეძენის შესახებ თქვენს ხელშეკრულებაზე). გთხოვთ, გაითვალისწინოთ, რომ დღგ-ის და სხვა გადასახადების ოდენობა შეიძლება შეიცვალოს სრული მისამართის მითითების შემდეგ. ნებისმიერ შემთხვევაში, ასეთი ცვლილება განხორციელდება გადახდის ეტაპამდე, რომ იცოდეთ ზუსტი და სრული თანხა, რომელიც შეკვეთის სანაცვლოდ უნდა გადაიხადოთ. ტრანსპორტირების ხარჯების არსებობის შემთხვევაში, ისინიც მოცემულია საიტზე. შეკვეთის მთლიან ღირებულებას წარმოადგენს შეკვეთილი პროდუქციის ფასისა და მიწოდების ხარჯების (ასეთის არსებობის შემთხვევაში) ჯამს.
თქვენს შეკვეთებზე შესაძლოა, გავრცელდეს დამატებითი ხარჯები, მაგალითად, საბაჟო გადასახადები, და შეკვეთის განთავსების შემდეგ შეიძლება მოგეთხოვოთ თქვენი სახსრებით დაფაროთ ისინი. თქვენ პასუხისმგებელი იქნებით, გადაიხადოთ ნებისმიერი გადასახადი, რომელიც ეხება საიტთან დაკავშირებით თქვენს აქტივობას, თქვენს საცხოვრებელ ქვეყანაში მოქმედი კანონმდებლობის შესაბამისად.
ლოჯისტიკის სხვადასხვა პროვაიდერი, საბაჟო ბროკერი და სხვა მესამე მხარე შეიძლება ჩართული იყოს შეკვეთილი პროდუქტების თქვენთვის მიწოდებაში და განბაჟების აქტივობებში.
საიტზე შეკვეთის განთავსებით ასევე ეთანხმებით, რომ კომპანიები, რომლებიც პასუხისმგებელნი არიან შეკვეთილი პროდუქტების თქვენთან მიწოდებაზე (ზემოთ ჩამოთვლილთა ჩათვლით), გაგიწევენ განბაჟების მომსახურებას თქვენს სახელზე და თქვენი სახელით, საბაჟო ორგანოების მოთხოვნების შესაბამისად. ასეთი ორგანოები ჩაითვლება თქვენ მიერ სათანადოდ უფლებამოსილ ორგანოებად, პროდუქტების მისაწოდებლად საჭირო ნებისმიერი ასეთი საქმიანობის შესრულების მიზნით.

15. როგორ უნდა შეიძინოთ

Coolbe-ის საიტზე შეძენა მარტივია. შეგიძლიათ მიჰყვეთ პროდუქტის არჩევიდან შეკვეთის განთავსებამდე (გადახდის ვალდებულების ჩათვლით) მითითებულ ნაბიჯებს.
გთხოვთ, გაითვალისწინოთ, რომ შეიძლება დინამიკურად განვაახლოთ შეკვეთის განთავსების პროცესი, რათა გავაუმჯობესოთ საიტით სარგებლობის თქვენი გამოცდილება ან შევასრულოთ კანონმდებლობაში შეტანილი ცვლილებები.
საიტზე თქვენ მიერ არჩეული პროდუქტის საფასურის გადახდის შემთხვევაში, ვალდებული ხართ, პროდუქტის საფასურის გადასახდელად გამოიყენოთ გადახდის სერვისის განსაზღვრული პროვაიდერების (PSP) გადახდის საჭირო სერვისები. თუ არ გსურთ გადახდის სერვისის ხელმისაწვდომი პროვაიდერებით (PSP) გაგრძელება, გთხოვთ, დახუროთ გადახდის ფანჯარა და გააუქმოთ შეკვეთა.
შესაძლოა, გადახდა დამუშავდეს SIA Joom-ის (Gustava Zemgala gatve 78-1, LV-1039, Riga, Latvia) ან Joom USA Inc-ის (701 Palomar Airport Rd Suite 300, Carlsbad, CA 92011) ან Renderwison LTD-ის (FLORINIS 7, GREG TOWER, 2ND FLOOR, 1065, NICOSIA, CYPRUS) ან Cellar Door Limited-ის (Suite 2B, 143 Main Street, GX11 1AA, Giblartal) საშუალებით.
თუ საიტზე დამატებით შეიძენთ რამეს, თქვენ თანახმა ხართ გადახდის სერვისის იმავე პროვაიდერების (PSP) მომსახურებით სარგებლობაზე ან გადახდის არსებული მეთოდებიდან სხვა მეთოდის არჩევით შეგიძლიათ შეცვალოთ გადახდის სერვისის პროვაიდერი (PSP).
გამყიდველი თქვენი შეკვეთის ინფორმაციას გადახდიდან 2 საათის შემდეგ მიიღებს. იმ შემთხვევაში, თუ შეძენიდან 2 საათის განმავლობაში აზრს შეიცვლით, შეგიძლიათ გააუქმოთ შეკვეთა შეკვეთის გვერდის ბოლოში (იხილეთ „როგორ უნდა მოითხოვოთ თანხის დაბრუნება“ ქვემოთ) და ის მყისიერად გაუქმდება. გაითვალისწინეთ, რომ ეს უფლება განსხვავდება გაუქმების უფლებისგან, თუ მასზე მე-16 მუხლში მითითებული პირობა ვრცელდება.
გამყიდველს, როგორც წესი, 1-2 დღე სჭირდება თქვენი შეკვეთის გამოსაგზავნად, თუმცა, მიწოდების ზუსტი დრო დამოკიდებულია თქვენს მდებარეობაზე. თუმცა, თუ გამყიდველი შეკვეთას შეკვეთის დღიდან 10 კალენდარულ დღეში არ გამოგზავნის, შეკვეთა ავტომატურად გაუქმდება, ხოლო თქვენ მიერ შეკვეთისთვის გადახდილი თანხა დაგიბრუნდებათ 14 კალენდარული დღის განმავლობაში.

16. დაბრუნების პირობები და გაუქმების უფლება

გაუქმების უფლება: თუ აღნიშნული გათვალისწინებულია მომხმარებელთა უფლებების დაცვის შესახებ მოქმედი კანონმდებლობით, შეიძლება გქონდეთ უფლება, შეზღუდულ ვადაში გააუქმოთ თქვენი თანხმობა გამყიდველთან პროდუქტის შეძენის შესახებ ხელშეკრულებაზე. ასეთ შემთხვევაში:
  1. პროდუქტის დაბრუნების ხარჯები უშუალოდ თქვენ უნდა დაფაროთ, რადგან Coolbe დაბრუნების ტრანსპორტირების ხარჯებს არ ფარავს.
  1. თქვენ ვალდებული ხართ, დააბრუნოთ პროდუქტი იმავე მდგომარეობაში, როგორშიც მიიღეთ იგი. ეს იმას ნიშნავს, რომ პროდუქტი უნდა იყოს ახალი, დაუზიანებელი, გამოუყენებელი და წარმოდგენილი უნდა იყოს თავდაპირველი, სრულყოფილი სახით. თქვენ მიერ მისი გამოყენების ან დაზიანების რაიმე სახის ნიშნის დაფიქსირების შემთხვევაში, თანხის დაბრუნების მოთხოვნა შესაძლოა, Coolbe-ის ერთპიროვნული შეხედულებისამებრ უარყოფილ იქნას.
თქვენ უფლება გაქვთ, მოითხოვოთ გამყიდველისგან თანხის დაბრუნება, თუ:
  1. პროდუქტი შეკვეთის განთავსების დროს მითითებულ ვადებში არ მიიღეთ და ეს თქვენი ბრალი არ არის. მაგალითად, თუ მიწოდებულ პროდუქტს შეკვეთაში მითითებული აღების წერტილიდან თქვენ არ წამოიღებთ, ეს არ ჩაითვლება არმიწოდებად ან შეკვეთის გაუქმების უფლებით სწორად სარგებლობად (ასეთის არსებობის შემთხვევაში). აღნიშნული პერიოდი შესაძლოა, გახანგრძლივდეს კონკრეტულ შემთხვევებში — ასეთი გახანგრძლივების შესახებ შეკვეთის მიღებამდე შეგატყობინებთ.
  1. პროდუქტის ხარისხი განსხვავდება საიტზე მოცემული შესაბამისი პროდუქტის აღწერილობაში მითითებულისგან და პროდუქტით სათანადოდ სარგებლობას ვერ შეძლებთ. მაგალითად, ეს შეიძლება მოხდეს, თუ მის აღწერაში მოცემული ინფორმაცია არასწორი აღმოჩნდა.
  1. თქვენ გადაწყვეტთ, ისარგებლოთ გაუქმების თქვენი უფლებით (თუ ეს გათვალისწინებულია მომხმარებელთა დაცვის მოქმედი კანონმდებლობით).
Coolbe-ის მხარდაჭერის გუნდს შეუძლია დაგეხმაროთ და განიხილოს თანხის დაბრუნების მოთხოვნა შეზღუდულ ვადაში, ქვემოთ მითითებულის შესაბამისად.
როგორ ამუშავებს Coolbe პროდუქტების ხარისხის გამო თანხის დაბრუნების მოთხოვნებს: Coolbe-ის მხარდაჭერის გუნდი განიხილავს თქვენს პრეტენზიებს საიტზე შეკვეთილი პროდუქტების ხარისხთან დაკავშირებით, რომლებიც წარდგენილია შესაბამისი პროდუქტის თქვენ მიერ მიღებიდან 30 კალენდარული დღის განმავლობაში, Coolbe-ისთვის თვალის მიდევნების ფუნქციით ხელმისაწვდომ ინფორმაციაზე დაყრდნობით. იმ შემთხვევაში, თუ 30-დღიანი ვადა ამოიწურა, ან Coolbe-ის გადაწყვეტილებას არ ეთანხმებით, დაუკავშირდით იმ გამყიდველს, ვისთანაც პროდუქტი შეუკვეთეთ. ზოგიერთ შემთხვევაში, შეიძლება მოგეთხოვოთ დამატებითი მტკიცებულებების წარდგენა (მაგალითად, დეფექტურად მიჩნეული პროდუქტის ფოტო- ან ვიდეომასალა), რათა დავრწმუნდეთ, რომ გაქვთ უფლება, დაიბრუნოთ თანხა ან მიიღოთ სხვა სახის კომპენსაცია გამყიდველის ან Coolbe-ის მხრიდან (იმ შემთხვევაში, თუ Coolbe შემოგთავაზებთ რაიმე სახის კომპენსაციას კანონით გათვალისწინებული კომპენსაციის გარდა, რომელსაც უზრუნველყოფს გამყიდველი).
ვის უნდა დაუბრუნოთ პროდუქტი: პროდუქტი გამყიდველს უნდა დაუბრუნოთ. გთხოვთ, გაითვალისწინოთ, რომ თუ გამყიდველი მდებარეობს იმ ქვეყნის გარეთ, საიდანაც თქვენ შეუკვეთეთ პროდუქტი, შესაძლოა, პროდუქტის გაგზავნა სხვა ქვეყანაში მოგიწიოთ, — იქ, სადაც გამყიდველი იმყოფება. დაბრუნების მისამართი ყოველთვის ხელმისაწვდომია პროდუქტის გვერდზე, გამყიდველის შესახებ ინფორმაციის განყოფილებაში. გარდა ამისა, გირჩევთ, დაბრუნების მისამართის დასადასტურებლად ნებისმიერ დროს დაუკავშირდეთ Coolbe-ის მხარდაჭერის გუნდს.
დაბრუნებული თანხა შეიძლება დაკავებული იყოს, სანამ გამყიდველი დაბრუნებულ პროდუქტს აიღებს ან სანამ პროდუქტის გაგზავნის დამადასტურებელ მტკიცებულებას არ მიაწვდით, რომელიც უფრო მალე მოხდება.
გამონაკლისები გაუქმების უფლებაში:
თქვენ არ გაქვთ უფლება, გააუქმოთ თანხმობა გამყიდველთან გაფორმებულ ხელშეკრულებაზე იმ შემთხვევაში, თუ:
  1. პროდუქტი დამზადებულია თქვენს სპეციფიკაციებზე მორგებით ან აშკარად პერსონალიზებულია.
  1. პროდუქტი შეიძლება დაძველდეს ან სწრაფად გაუვიდეს ვადა.
  1. პროდუქტი არის დალუქული პროდუქტი, რომელიც შეუფერებელია დასაბრუნებლად ჯანმრთელობის დაცვის ან ჰიგიენის მიზნებიდან გამომდინარე, და ლუქი ახსნილ იქნა მიწოდების შემდეგ.
  1. პროდუქტი არის პროდუქტი ან პროდუქტების ნაკრები, რომელიც მიწოდების შემდეგ, მათი ბუნების მიხედვით, განუყოფლად არის კომბინირებული სხვა პროდუქტებთან.
  1. პროდუქტი არის აუდიო- ან დალუქული ვიდეოჩანაწერი ან დალუქული კომპიუტერული პროგრამა, რომლის ლუქი გახსნილია მიწოდების შემდეგ.
  1. პროდუქტი არის გაზეთი, პერიოდული გამოცემა ან ჟურნალი, გარდა იმ შემთხვევისა, როდესაც ასეთი პუბლიკაციები სააბონენტო კონტრაქტებით არის შეძენილი.
თანხის დაბრუნების შესახებ თქვენი მოთხოვნა შეიძლება უარყოფილ იქნას ან მხოლოდ ნაწილობრივ დაკმაყოფილდეს Coolbe-ის ერთპიროვნული შეხედულებისამებრ, რომელიც მოიცავს, მაგრამ არ შემოიფარგლება ქვემოთ მოცემული შემთხვევებით:
  1. პროდუქტი დაზიანებულია არასწორად გამოყენების ან დაუდევრობის შედეგად (ქიმიკატების, კაუსტიკური ნივთიერებების, ღია ცეცხლის, მაღალი სიცხის, ბასრი საგნის ზემოქმედებით და ა.შ.).
  1. პროდუქტი არასწორად იქნა გამოყენებული ან გამოყენებული იქნა დანიშნულებისგან განსხვავებული საქმიანობისთვის, ან აღენიშნება გამოყენების დამატებითი ნიშნები, რომლებიც არ არის დეფექტი ან ხარისხის პრობლემა,
  1. თქვენ ავლენთ დაბრუნების ქცევის უჩვეულო მაგალითებს,
  1. თქვენ მონაწილეობთ თაღლითურ საქმიანობაში, როგორიცაა ცრუ მტკიცებულებების ან ცრუ განცხადებების გაგზავნა, არასწორი
Coolbe დაბრუნების ტრანსპორტირების ხარჯებს არ ფარავს.
გთხოვთ, გაითვალისწინოთ, რომ ზემოთ მოცემულ შემთხვევებში თანხის დაბრუნების შესახებ თქვენი მოთხოვნა შეიძლება სრულად უარყოფილ იქნას ან პროპორციულად შემცირდეს ქვემოთ მოცემულ შემთხვევებში:
  1. გაუქმების შესახებ თქვენი მოთხოვნა ეხება გაუქმების უფლებებში ერთ-ერთ გამონაკლისს (როგორც ზემოთ), ან მოთხოვნა წამოიჭრება 14 დღის შემდეგ, ან
  1. სადავო პროდუქტი არ არის თავდაპირველ მდგომარეობაში (მათ შორის ბრენდის ეტიკეტები, დამცავი მოწყობილობები) და სახეზეა გამოყენების დამატებითი ნიშნები, გარდა იმისა, რაც საჭიროა მისი ბუნების, ფუნქციონალური მახასიათებლების დასადგენად, ასევე შეძენის დროს უკვე არსებული დეფექტის ან ხარისხის პრობლემის გარდა, ან
  1. პროდუქტი დაზიანებულია არასწორი გამოყენების ან დაუდევრობით გამო (ქიმიური ნივთიერებების, კაუსტიკური ნივთიერებების, ღია ცეცხლის, მაღალი სიცხის, ბასრი საგნების ზემოქმედებით და ა.შ.)
  1. თქვენ დააბრუნეთ სხვა პროდუქტი, რომელიც არ არის მიღებული პროდუქტის იდენტური, ან
  1. თქვენ ავლენთ დაბრუნების ქცევის უჩვეულო და საეჭვო მაგალითებს, ან
  1. Coolbe-ის მხარდაჭერის გუნდს აწვდით ცრუ ან შეცდომაში შემყვან მტკიცებულებებს, ინფორმაციას ან ცრუ განცხადებებს, ან უარს ამბობთ მტკიცებულებების წარდგენის ან პროდუქტის დაბრუნების შესახებ ნებისმიერი ინსტრუქციის შესრულებაზე.

17. როგორ უნდა მოითხოვოთ თანხის დაბრუნება?

გამყიდველისგან თანხის დაბრუნების შესახებ მოთხოვნის რამდენიმე გზა არსებობს:
  • თუ პროდუქტის შეძენიდან 2 საათზე ნაკლები გავიდა, შეგიძლიათ გააუქმოთ შეკვეთა და თანხა სრულად დაიბრუნოთ. გახსენით „ჩემი შეკვეთები“, შეეხეთ შეკვეთას, რომლის გაუქმებაც გსურთ, და შეკვეთის გვერდის ბოლოში, დააჭირეთ ღილაკს „შეკვეთის გაუქმება“.
  • თუ თქვენ მიერ მიღებული პროდუქტის ხარისხი Coolbe-ის საიტზე პროდუქტის აღწერილობაში მოცემულ ინფორმაციას არ შეესაბამება. გახსენით „ჩემი შეკვეთები“, შეეხეთ შეკვეთას, რომლის დაბრუნებაც გსურთ, და შეეხეთ ღილაკს „პროდუქტთან დაკავშირებული პრობლემები“.
  • თუ პროდუქტის Coolbe-ის მიწოდების გარანტიით გათვალისწინებული თქვენთვის მიწოდების ვადა ამოიწურა, რომელიც ხელმისაწვდომია თითოეული პროდუქტის გვერდზე, და თქვენი შეკვეთა ჯერ მიწოდებული არ არის. გახსენით „ჩემი შეკვეთები“, შეეხეთ შეკვეთას, რომლის დაბრუნებაც გსურთ, და შეეხეთ ღილაკს „არა“, რომელიც მოცემულია მწვანე პოპ-აპ ფანჯარაზე.
  • თუ გადაწყვეტთ, თქვენი გაუქმების უფლებით მე-16 მუხლში მითითებული წესების შესაბამისად ისარგებლოთ. გახსენით „ჩემი შეკვეთები“, შეეხეთ შეკვეთას, რომლის დაბრუნებაც გსურთ, და შეეხეთ ღილაკს „პროდუქტთან დაკავშირებული პრობლემები“.
დაბრუნებული თანხა გადახდის სერვისის პროვაიდერის (PSP) საშუალებით გადაირიცხება იმ ბარათზე, რომელიც შეძენის განსახორციელებლად გამოიყენეთ. გთხოვთ, გაითვალისწინოთ, რომ შესაძლოა, არსებობდეს გამონაკლისები, მაგალითად, თუ არსებობს ტექნიკური პრობლემები, რომლებიც აფერხებს გადახდის თავდაპირველ მეთოდზე თანხის დაბრუნებას, ან თუ თქვენს ბარათს ვადა გაუვიდა. ასეთ შემთხვევაში, თანხის დაბრუნების გასაგრძელებლად მოგეთხოვებათ, უზრუნველყოთ სხვა ბარათის ან PayPal-ის საფულის დეტალები.
ჩვენი მიზანია, მოქმედი პრეტენზიების შემთხვევაში თანხის დაბრუნების პროცესი 14 დღეზე ნაკლებ დროში დავასრულოთ. ჩვენი დამუშავების დრო, როგორც წესი, 2-3 დღეა.

18. გარანტიის უფლებაზე უარის თქმა და პასუხისმგებლობის შეზღუდვა

იმდენად, რამდენადაც ეს შესაძლებელია მარეგულირებელი კანონმდებლობის შესაბამისად, თქვენ მიერ პროდუქტით სარგებლობა თქვენი რისკის ფასად ხდება.
მოქმედი კანონმდებლობით დაშვებულ ფარგლებში, Coolbe, ლიცენზიის მისი გამცემები ან მომმარაგებლები და გამყიდველი ამით ასევე აცხადებენ გამოხატულ უარს ყველანაირ პასუხისმგებლობაზე, რომელიც ეხება პროდუქტის გაუმართაობასთან დაკავშირებით ნებისმიერ პრეტენზიას, რომელიც გამოწვეულია პროდუქტის არასწორად გამოყენებით, ბოროტად გამოყენებით, პროდუქტის მოდიფიკაციით, თქვენ მიერ პროდუქტის არასათანადო შერჩევით ან ნებისმიერი და ყველა მოქმედი კანონის დარღვევით.
კანონით დაშვებული შემთხვევების გარდა, Coolbe არ გამორიცხავს, ზღუდავს ან აჩერებს თქვენს სხვა უფლებებს, რომელთა შეზღუდვა ან გამორიცხვა კანონიერად შეუძლებელია. კერძოდ, წინამდებარე წესების არცერთი მუხლი არ გამორიცხავს პასუხისმგებლობას შემდეგზე:
  1. სიკვდილი ან პირადი ფიზიკური ზიანი
  1. Coolbe-ის უხეში დაუდევრობა
  1. გამყიდველის კანონით გათვალისწინებული გარანტია ფარული დეფექტების შესახებ და პროდუქციის შესაბამისობის შესახებ კანონით გათვალისწინებული გარანტია.
გადაცემა. თქვენ არ გაქვთ უფლება, რაიმე ფორმით (კანონის ძალით ან სხვაგვარად) გადასცეთ ან სხვაზე გადაანაწილოთ წინამდებარე პირობებით გათვალისწინებული თქვენი უფლებები ან ვალდებულებები, ან გადასცეთ საიტის თქვენი ანგარიში Coolbe-ის წინასწარი წერილობითი თანხმობის გარეშე. ჩვენ არ გვაქვს უფლება, გადავცეთ ან სხვაზე გავანაწილოთ წინამდებარე პირობებით გათვალისწინებული ჩვენი უფლებები და მოვალეობები, რამაც შეიძლება თქვენი უფლებების თქვენი თანხმობის გარეშე შეკვეცა გამოიწვიოს.

19. არჩეული კანონი, იურისდიქცია და დავის გადაწყვეტა

ნებისმიერი პრეტენზია და დავა (მათ შორის არასახელშეკრულებო პრეტენზიები და დავები), რომლებიც წარმოიქმნება თქვენ მიერ საიტის გამოყენებასთან დაკავშირებით, განიხილება თქვენი საცხოვრებელი ქვეყნის კანონმდებლობის შესაბამისად. ჩვენ ვთანხმდებით, რომ ნებისმიერი დავა გადაეგზავნება რიგის რაიონის სასამართლოების არაექსკლუზიურ იურისდიქციას.
თუ გსურთ, რომ შეგვატყობინოთ რაიმე საყურადღებო საკითხი, გთხოვთ, დაგვიკავშირდეთ საიტზე მოცემული „მხარდაჭერის“ განყოფილების საშუალებით.

20. შეტყობინება დავის შესახებ

ნებისმიერი დავის ან სასამართლო პროცესის წამოწყებამდე, თქვენ და Coolbe თანხმდებით, რომ ამის შესახებ ჯერ ერთმანეთს წერილობითი შეატყობინებთ („შეტყობინება დავის შესახებ“). დავის შესახებ შეტყობინება შეტყობინება უნდა მოიცავდეს შემდეგს:
  1. პრობლემის წერილობითი აღწერა და შესაბამისი დოკუმენტები და დამადასტურებელი ინფორმაცია.
  1. განცხადება გადაჭრის კონკრეტული ხერხის მცდელობის შესახებ.
დავის შესახებ შეტყობინება უნდა გაიგზავნოს მისამართზე: 78-1, Gustava Zemgala St, LV-1039, Riga, Latvia. Coolbe დავის შესახებ Coolbe-ის მომხმარებლის იდენტიფიკატორთან დაკავშირებული ელფოსტის მისამართზე შეგატყობინებთ. თქვენ და Coolbe თანხმდებით, რომ დავის მოგვარებას დავის შესახებ შეტყობინების გაცემიდან 45 დღის განმავლობაში შეეცდებით და არ წამოიწყებთ რაიმე სასამართლო წარმოებას შეტყობინების გაგზავნიდან 45-დღიანი პერიოდის გასვლამდე.

21. როგორ დაუკავშირდეთ Coolbe-ს

  • საიტთან დაკავშირებული ნებისმიერი შეკითხვის ან შეშფოთების შემთხვევაში, დაუკავშირდით Coolbe-ის მხარდაჭერის გუნდს Coolbe-ის საიტის „მხარდაჭერის“ განყოფილების საშუალებით.
  • თქვენი პერსონალური მონაცემების სამართავად გამოგვიგზავნეთ ელწერილი მისამართზე: privacy@coolbe.com.
  • საავტორო უფლებების დარღვევის შესახებ შესატყობინებლად, გთხოვთ, გვაცნობეთ მისამართზე: ipr@coolbe.com.